في 9 سبتمبر 1952 كان لقاء الفلاح المصري مع يوم للإنصاف بإقرار قانون الإصلاح الزراعي ليتملك أخيراً الأرض لتي ينحني من أجلها كل نهارن وهكذا أصبح هذا اليوم هو عيد الفلاح المصري، واحتفاءا بمن يعرق تحت الشمس ويغرس قدمه فى الطين حتى يخرج الخير من الارضن نهدي هذه الاغنيات

ـ موال مصر جميلة

موال غناه المطرب محمد طه واستخدم فيه الجملة الشهيرة للشاعر نجيب سرور “خليك فاكر مصر جميلة” وغزل عليها مشاهد من الأرض المصرية ووجه تحية لفلاحيها وعمالها

يقول فيها: “كنت في قلب الميدان تحت السما الزرقا جابت عينيا الغيطان والترعة والزرقا، انتى الاصيلة يا مصر وكلنا شاهدين بحق محمد نبينا وعيسى نبي الله
مصر جميلة وأصيلة فيها ولدي وبلدي أنا ابنطن ال المنوفية وصعيدي ياسيدى .. انا فلاح وأبن فلاح لى الفلاح … و ابو زرع طيب يقول حي على الإصلاح”.

ـ موال : حبيت بلدي

تأليف محمد فتحي مهدي، غناء : علي إسماعيل

حبيت بلدي وعشان بلدي انا عايزك تكبر يا ولدين واشوفك بتعمبر بها وبتزرع ورد في صحاريها، انا عايزة تكبر في عينيا وتوفي الندر عليا، واشوفك يا بني م الفجر سابقني وبعملك رافع راس بلدي”

ـ نورت يا قطن النيل

طقطوقة قديمة من العشرينات مع إذزدهار زراعة القطن المصري، تأليف المصري اليوناني حسين مانسترلي، وغناء وألحان: محمد صادق

ـ في حب مصر غيطان الريح

قضيدة الشاعر سمير عبد الباقي، غناها المطرب لثوري في السبعينات: عدلي فخري

تقول: مصر غيطان الرياح
مصر أصوات التلامذة فى الصباح
مصر عابدين المظاهرات القديمة
مصر زفتى ملوى زفتى برديس جهينه
مصر ميت سلسيل شبرا
مصر شهدا الجامعة الأزهر
مصر حلوان دنشواى كمشيش وسينا
مصر غنيوة الألم .. لحن الجراح
اللى عايشه العمر تتحدى الزمن
والأسى وسود الليالى والقدر
عمرها تزققلى ألحان الحماسة
أعشق الأحلام .. ولا أخشى الخطر
مصر تعرف فى السياسة
عارفه إن الشمس فوق سينا يطلعها البشر

” https://www.youtube.com/watch?v=oxohewBBRL8

ـ نشيد الفلاحين

من أجمل ما كًتب عن نضل وتعب الفلاحين فى الأرض عند الزراعة، كتبها الشاعر زين العابدين فؤاد باليوم الثاني للعبور في 8 اكتوبر 1973 تحدث عن الجنود فلاحي مصر
قصيدة للشاعر زين العبدين فؤادن وغناء عدلي فخري وتم ترديدها أول مرة فى بيروت عام 1982

تقول: الفلاحين بيغيروا الكتاني بالكاكي
ويغيروا الكاكي بتوب الدم
وبيزرعوك يا قطن ويا السناكي
وبيزرعوك يا قمح سارية علم
وبيدخلوكي يا حرب فحم الحريقة
وبيزروعكي يا مصر شمس الحقيقة

الفلاحين | زين العابدين فؤاد – عدلي…

الفلاحين | زين العابدين فؤاد – عدلي فخري

Posted by ‎Zein Albdin Fouad زين العابدين فؤاد‎ on Wednesday, September 7, 2011

واخيرا الزجل الرائع لرائد شعر العامية فى مصر “بيرم التونسيط وهو يغني للفلاح المصري:

القمح مش زى الدهب
القمح زى الفلاحـين
عيدان نحيلة جدرها بياكل فى طين
زى اسمـاعين
ومحـمـديـن
وحسين أبو عويضه اللى قاسى وانضرب
علشان طـلب
حفنة سنابل ريَّها كان بالعرق
عرق الجبـين
القمح زى حسين يعيش ياكل فى طين
أما اللى فى القصر الكبير
يلبس حـرير
والسـنـبلـه
يبعت رجاله يحصدوها من على
عـود الفقير