(1)

زى حكاوى الاوليا

ف الحزن لك حكايات

زى كلام العاشقين

لك أضرحة ومقامات

يا حزن يعقوب على ابنه لما تاه

ياحلم دبب بالبراءة

والتهمة كانت لبساه

(2)

منتاش نبى

ومالكش باع ف المعجزات

الا يدوبك كام كرامة منهم

انى اما اشوفك ببتسم

ودى معجزة

ايوة وأم المعجزات

لو تعرفوا معنى ابتسامة قلب منهك م الوجع

زى ابتسامة الرضا لما الفقير يحس بشبع

(3)

عامل همومك فلوكة

وشراعها مرسوم اه

على فين ياريس مسافر

شاور

لحضن الله

(4)

رافع عيونك للسما

وربى راضى عليك

مستنى يمد ايديه

علشان يطبطب عليك

منتاش نبى

ولا حتى من الاوليا

المركب مليانه ثقوب

هتسدها بايديك

مالكش باب غيره

خبط

هيفتح لك