دقيت على طبلتى
على طبلتى دقيت
و صحيت على ندهتى
و بندهتى صحيت
يا قلوب ملاها الشوق
للعدل و الحرية
يا طريق و مليان شوك
أرواحنا لسه عفيه
الفجر نوره و نداه
جوه زهور شيلاه
تنشر عبيرها ف هواه
تملا حياتنا حياه
دقيت على طبلتى
من قلب حلم اتولد
مسحراتى ليلاتى
سارح بطول المدد
الصوت بيرجع صدى
و الصبر ابن الجلد
بدد يا نور عتمتى
طبطب على طبلتى
يروى الندى سكتى
و الحلم يطرح بلد
***********

الفتى مروان
من أشجع الشجعان
رغم اللى باع
و اللى خان
و اللى فاوض و استكان
الجبان اللى استهان
العميل ابن الشيطان
الفتى مروان
مهما حصل
ومهما كان
عايش فى روحنا
جوه قلبنا له مكان
فارس عظيم
من أجمل الفرسان
اسمه و عنوانه
الفتى مروان
قائد بجد
عارف يعنى أيه الحد
بين السياسة اداة
من أدوات الصراع
و بين سياسة بياعين
خونه فى اسواق المتاع
المجد للى صان
و العار على اللى خان
عاش الفتى مروان
عاش الفتى مروان
مسحراتى الوطن
و الحلم و الموال
يا اه
يا عين
يا ليل
الاسم عربى
و الفعل صهيونى
يا أمة متباعة
من أنظمة عيرة
راضعة خيانة و نطاعه
سطورها ف كتاب التاريخ
مليان عمالة و بشاعه
أخطر علينا من الأعداء
بلاء و داء و غباء
يا أنظمة جبانة
فرض المقاومة أمانة
على كل عربى شريف
فرض المقاومة عقيدة
ف قلوب جدورها نضيف
عايشة المقاومة علامة
على طريق السلامة
رايتها عزة و كرامة
و سلاحها صاحى عنيد
فى الصحرا و الوادى
مسحراتى و انادى
يا ولادى يا احفادى
رمضان كريم
شهر و عظيم
فيه العظات و المعجزات
و الإنتصار
الفجر لازم يولد نهار
و الصبح مولود من نور و نار
مسحراتى و ف انتظار
الأمة ترفع راية انتصار
رمضان كريم
يا نايم إصحى
وحد الرزاق
*********